2005 වර්ෂයේදී ශ්‍රී ලංකා ජනරජ වර්ථමාන ජනපති මහින්ද රාජපක්ෂ මැතිඳුන්ගේ නැණසල දහස සංකල්පය මත පිහිටවු ප්‍රථම නැණසල මධ්‍යස්ථාන කිහිපය අතරින් එක් නැණසල මධ්‍යස්ථානයක් ලෙස තිස්සමහාරාම ආසිරි අයි. ටී. මධ්‍යස්ථාන නැණසල හදන්වා දිය හැක.
2005 වර්ෂයේ සිට මේ දක්වා නැණසල මධ්‍යස්ථානවල ක්‍රියාකාරීත්වය පැවැත්ම පිළිබඳ අවධානය යොමු කල විට පෙනි යන කරුණක් වන්නේ මෙම ව්‍යාපෘතිය යටතේ ස්ථාපනය වු නැණසල මධ්‍යස්ථාන සැලකිය යුතු ප්‍රමාණයක් වැසී ගොස් ඇති බවය. මේ සදහා හේතු වු මුලික සාධක බෝහෝය. කෙසේ වෙතත් ශ්‍රී ලංකාව තුල නැණසල ව්‍යාපෘතිය ආරම්භ වන්නේ ලොව පුරා ප්‍රචලිත Telecentre මධ්‍යස්තාන සංකල්පය පෙරදැරි කොට ගෙනය. මෙවැනි ටෙලිසෙන්ටර් මධ්‍යස්ථානයක මුලික ඉලක්ක කිහිපයකි. ඒ නිසි ලෙස සම්පත් තුලනය නොවු ග්‍රාමීය ජනතාවන් ඉලක්ක කරගනිමීන්, ඔවුන්ගේ මුලික අවශ්‍යාතා සදහා තොරතුරු තාක්ෂණය සම්බන්ධ කර ගන්නේ කෙසේද යන්න තම ප්‍රජාව වෙත හදුන්වා දීමය. මෙහිදී පුහුණු කිරීම හා භාවිතයට අවස්ථාව ලබා දීම මෙම ටෙලි සෙන්ටර් මධ්‍යස්ථාන වල කාර්යභාරය වේ. කෙසේ වෙතත් කාලය ගෙවීයාමත් සමගම ග්‍රාමීය ප්‍රජාව තුල මෙම විෂය සදහා ඉල්ලුම වැඩිවන විට ව්‍යාපාර මට්ටමින් මෙම විෂය ප්‍රසාරණය වන විට මෙම ටෙලිසෙන්ට්ර් වැඩි ප්‍රමාණයක් වැසී යනු ඇත. මෙම තත්වය ටෙලි සෙන්ට්ර් මඨ්‍යස්ථාන වල සාර්ථක භාවය ලොවට කියාපාන නිර්ණායකයක් ලෙසද ඇතැමුන්ගෙන් ඉදිරිපත් වේ.
කෙසේ වෙතත් සංවර්ධනය කරා ගමන් ගන්නා රටවල ටෙලිසෙන්ටර් මධ්‍යස්ථාන අති සාර්ථක වන අවස්ථාවන්ද දක්නට ඇත. ඒ ටෙලිසෙන්ටර් මොඩලයේ මුලික ඉල්ක්කය අභිබවා, තරඟකාරි වෙළදපොළ තුල පීඩනයට මුහුණ දෙමින් හා අභියෝග ජයගනිමින් තොරතුරු තාක්ෂණය තම ප්‍රජාවට හදුන්වා දීමෙන් ඔබ්බට ගමන් කරමින් යාවත්කාලීන සේවා සපයමින් වර්ධනය වීමයි.
නැණසල දහස ව්‍යාපෘතියේ අති සාර්ථක නැණසල මධ්‍යස්ථාන මෙලෙස මෙම වාණිජ අභියෝග ජයගනිමින් වසර 10 ක කඩයිම 2015 දී පසු කරණු ලබයි. උදාහරණ කිහිපයක් ලෙස බලංගොඩ/ වැලිගම/ නිවිතිගල/ තිස්සමහාරාම/ මිරිජ්ජවිල/ සුරියවැව/ බදුල්ල/ බුත්තල/ මොණරාගල සමාධි නැණසල හා අනුරාධපුර/ පොලොන්නරුව යන දිස්ත්‍රික්කයන්හි ක්‍රියාත්මක නැණසල මධ්‍යස්ථාන හදුන්වා දිය හැකිය. ටෙලිනේටර් මධ්‍යස්තානයක මුලික අරමුණු වන හදුන්වා දීම සහ භාවිතයට දීම යන කඩයිම් පසු කරමින් පුරා වසර 09 තුල නැණසල හිමිකරුවන්/ ක්‍රියාකරුවන් කල සේවය අගය කල යුතුයි.
2005 වර්ෂයේදී 04% ක ආසන්න අගයක නොතිබූ තොරතුරු තාක්ෂණ සාක්ෂරතාවය අද වන විට අගයක් ලෙස 40% පසු කරමින් සීටී. වසර 09 ක කාලයක් තුල ග්‍රාමීය හා නාගරික වශයෙන් මෙම පෙරලියට උරදුන් දැවැන්තම ව්‍යාපෘතිය ලෙස නැණසල ව්‍යාපෘතිය හදුන්වා දිය හැකිය.
වර්ථාමනය වන විට ආර්ථිකය තුල ඇතිවන්නා වු අසමතුලිතතාවයන් මැද මෙම සාර්ථක නැණසල මධ්‍යස්ථාන රැක ගැනීමට අවශ්‍ය කටයුතු සැලසීමට කාලය රජය හා අනෙකුත් පාර්ශවකරුවන් වෙත පැමිණ ඇත. ව්‍යාපාර මොඩලයක් ලෙස රට පුරා නොනිමි සේවයක් සපයන නැණසල මධ්‍යථාන මුහුණ දෙන ගැටළු කිහිපයක් පහත පරිදි වේ (ආගමික ස්ථාන/ රාජ්‍ය ආයතන/ සමාගම් වලට අයත් නොවන නැණසල මධ්‍යස්ථාන).
- ගොඩනැගිලි සදහා අධික පිරිවැයක් දැරීමට සිදුවීම (බදුකුලී වශයෙන්).
- ණය පහසුකම් ලබා ගැනීමට ඇති අපහසුව.
- හිමිකරුවන්ට/ ක්‍රියාකරුවන්ට අනාගත සුරක්ෂිතතාවයක් නොමැතිවීම.
- නව දැනුමෙන් සන්නධවීමට ඇති අවස්ථා දුලභ වීම.
- සහන නොලැඹීම (විදුලි/ අන්ර්ජාල)
- රාජ්‍ය අංශයේ ආයතන නැණසල ව්‍යාපෘතිය පිළිබඳ නිසි අවභෝධයක් නොමැතිවීම.
- රාජ්‍ය අංශයේ පුහුණු කිරීම් වැඩසටහන් සදහා නැණසල යොදා නොගැනීම.
- සහය ක්‍රියාකරුවන් රඳවා ගැනීමේ නොහැකියාව
නැණසල ව්‍යාපෘතියේ සාර්ථක නැණසල මධ්‍යස්ථාන මුහුණපාන මෙම අවධානම් තත්වය අතිගරු ජනාධිපතිතුමා/ ගරු ජනධිපති ලේකම්තුමා ඇතුළු බලධාරීන් විසින් වටහාගෙන මොවුන්ගේ ජවීත සුරක්ෂිත තාවය තහවුරු කිරීමට හැකිවුහොත් ලාංකීය ජනරජ ජනපති මහින්ද රාජපක්ෂ මැතින්දුන්ගේ මහින්ද වින්තනයේ මුලික ඉල්ක්කයක් වන තොරතුරු තාක්ෂණ සාක්ෂරතා 75% ක අගයක් කරා ගෙන ඒමට නැණසලට ඉදිරි වසර 05 තුල සිදුකල හැක්කේ දැවැන්ත සේවයකි. මෙය ICTA ආයතනයේ පාලන අධිකාරීය සහ සියළු වගකිවයුතු පාර්ශවකරුවනුත් වටහා ගත යුතුය. නැණසල හිමිකරුවාට ස්ථිරසාර අනාගත සුරක්ෂතතායක් ඇතිකර දී, රාජ්‍ය අංශයේ සහයෝගය ලබාදුන්විට තවත් වසර 10 කට වැඩි සථිරසාර සේවයක් නැණසල මගින් අප ග්‍රාමීය ජනතාවට ලබා දී ඔවුන්ගේ ජීවන මට්ටම උසස් කිරීමට නැණසලට හැකිවනවා ඇත.
අසංක එරංද
නැණසල - තිස්සමහාරාම
